تجربة استخدام شاشه توشيبا سمارت 55 بوصه وشرح الاعدادات الكامله واهم المميزات والعيب الوحيد
اول موضوع ليا معاكم تجربتى في شراء شاشة توشيبا العربي سمارت 55 بوصه وهقولكم على مواصفاتها الكامله وكمان المميزات والعيوب اللى قابلتنى فيها
مفيش شك ان الشاشه دى من اجمل واجود الشاشات اللى في السوق واللى اخدت شعبيه كبيره اوى في وسط الجمهور وده علشان المواصفات العاليه والجوده كمان بالاضافه للسعر الممتاز واهم من كل ده خدمة ما بعد البيع اللى بتقدمها شركة توشيبا العربي واللى انا نفسي مجربها مش في الشاشات بس لكن في منتجات تانيه
ونبدأ بالمواصفات الكامله للشاشه اللى فيها مميزات ومواصفات واللى اهمها ان الشاشه مذوده طبعا بريسيفر مدمج فيها
طبعا الشاشه مذوده بتقنية ال 4k والاوضاع المتعدده للصوره منها القياسي والديناميكى
اما بالنسبه للصوت فالشاشه صوتها عالى جدا وعلى اعلى درجات النقاء والوضوح
الشاشه جاى فيها 3 مداخل اتش دى بالاضافه لمكانين او مدخلين لل usb وكمان فيهامدخل خاص بتوصيل الكمبيوتر عليها
وطبعا مننساش امكانية توصيل الانترنت عن طريق الواي فاي او مدخل lan علشان تقدر تتصفح مواقع الانترنت وكمان تفتح اليوتيوب لمشاهدة الفيديوهات
كمان امكانية توصيل شاشة الموبايل بيها وعرض كل حاجه عالموبايل على الشاشه
اما بالنسبه للسعر انا اشتريتها بسعر 8400 جنيه
وفي النهايه هسيبلكم رابط مشاهدة فيديو كامل عن الشاشه وفتح كرتونه ومواصفاتها الكامله بالتفصيل
اتمنا الموضوع يكون عجبكم واستفدتم منه وشكرا ليكم ونتقابل مع موضوع جديد ان شاء الله
رابط الفيديو فتح كرتونة شاشة توشيبا العربي 55 بوصه سمارت
تعليقات
إرسال تعليق